《失憶24小時》王君馨飾演港女 網民大彈角色又嘈又趕客

·2 分鐘文章
《失憶24小時》劇照
《失憶24小時》劇照

由郭晉安、譚俊彥、譚凱琪和王君馨(Grace)等人主演嘅無綫新劇《失憶24小時》, 劇集走懸疑幽默嘅黑色喜劇路線,可惜播咗幾集觀眾都唔太接受,仲覺得套劇有啲悶同王君馨演譚俊彥老婆游菲兒(Freeya)好嘈又港女,好難頂!

《失憶24小時》中王君馨飾演嘅Freeya同老公蒙一言(譚俊彥飾)表面上十分恩愛,但Freeya同老爺Peter(姜大衞飾)成日有爭執,每次鬧交都搵老公出氣,又發埋啲大小姐脾氣,令老公好辛苦。另外,老公公司出現問題,所以決定賣屋去救公司,不過Freeya就強烈反對,之後仲突然失蹤。有網民認為王君馨呢個角色好趕客及好嘈,不過都有網民就覺得係角色需要,所以佢先咁樣演繹。

34歲索爆人妻王君馨,07年參選《全美華埠小姐》獲得第一公主(亞軍),同年參選《香港小姐競選》獲得亞軍,而且仲獲得最上鏡小姐同國際親善小姐,展開佢嘅演藝之路。入行多年嚟Grace一直默默耕耘,2016年終憑《城寨英雄》中花曼一角大受歡迎,更獲得「最受歡迎電視女角色」,之後佢參演多套劇集都獲得不俗評價,包括《心理追兇Mind Hunter》、《超時空男臣》及《是咁的,法官閣下》等等,不過今次《失憶24小時》嘅港女老婆角色就令觀眾有啲失望。除咗拍劇之外,上年Grace仲一完歌手夢,推出單曲《Casada》,最近又推出新歌《尖叫》。

譚俊彥 & 王君馨
譚俊彥 & 王君馨
郭晉安、譚凱琪、王君馨 & 譚俊彥
郭晉安、譚凱琪、王君馨 & 譚俊彥

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!