《愛·回家》再有神預言提及Terry變倉鼠 網民齊話好應景

·3 分鐘文章
《愛·回家之開心速遞》
《愛·回家之開心速遞》

近日銅鑼灣一間寵物店有店員及顧客先後感染新冠肺炎,政府指疑涉及倉鼠傳播病毒,之後隨即發出「殺鼠令」人道毁滅近2千隻倉鼠及其他細小動物,同時亦要求市民交出上年12月22日或之後購買嘅倉鼠。喺噚日(19日)播出嘅《東張西望》及《愛·回家之開心速遞》都分別提及倉鼠。

《東張西望》一向關心社會時事,節目組派出主持外出採訪將倉鼠交俾漁農署嘅市民,唔少觀眾都認為係好正常,不過估唔到連處境劇《愛·回家之開心速遞》都有講到倉鼠。噚晚《愛·回家之開心速遞》劇情講到Terry(李偉健飾)有電影上映,不過因為演技太差而被恥笑,帶住本《轉世重生自學大法》上山修練,希望脫胎換骨,期間遇上奇遇。後來,大小姐(林淑敏飾)及舅父KC(歐瑞偉飾)以為Terry失蹤,誤信「仙人」騙徒將Terry變蟾蜍再變成倉鼠轉世,好彩喺臨急關頭倉鼠咬爛上網線,大小姐先冇俾騙徒呃錢。

唔少網民睇完都話劇集應景,紛紛留言「嘩,應景」、「又會咁啱今日播」、「開心速遞再次神預言」、「呢套野即日拍?又幾update」、「知道現實倉鼠大屠殺,就播呢個劇,專登喔!」、「好彩隻倉鼠走咗佬!如果唔係龍小姐已經帶咗佢去人道毁滅」、「應該咁啱得咁橋,正常播出街嘅係半個月前已經拍定」、「大小姐要去竹篙灣啦」及「靚抽」等等。

林淑敏及許家傑喺出席劇集宣傳活動時,林淑敏話劇情只係巧合,呢一集一早已經拍完,喺完成拍攝後倉鼠已經跟主人返咗屋企。許家傑就話處境劇有時會有預言成份,之後林淑敏搞笑話希望劇集可以有一集寫佢中六合彩,其後再話因宗教關係佢唔買六合彩,希望中到「身體健康」。

《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能