《聲夢傳奇》決賽炎明熹成三料冠軍 網民鬧爆賽制有問題戥Archie唔抵

·5 分鐘文章
《聲夢傳奇》決賽截圖
《聲夢傳奇》決賽截圖

無綫選秀節目《聲夢傳奇》決賽喺噚晚舉行,由最後5強炎明熹(Gigi)、姚焯菲(Chantel)、鍾柔美(Yumi)、何晉樂(Rock)及冼靖峰(Archie)角逐總冠軍殊榮,最終由Gigi贏得「專業評選大獎」、「觀眾熱選大獎、以及全場總冠軍「《聲夢傳奇》傳奇新星」成為三料冠軍。節目喺網上引起熱烈討論,而家就同大家睇下網民有咩感受啦!

賽制設計有問題
噚晚《聲夢傳奇》決賽嘅賽制分成兩個回合,第一回合由五強學員各自唱出一首自選歌曲,然後現場25位專業音樂評審按燈評分 ,綜合評審評分及觀眾投票後,總評分最高嘅兩位學員就可以晉級第二回合。之後,最後兩強輪流唱歌,由評審即場按燈評分,較高分者便成為全場總冠軍。喺第一回合中Archie唱出《我懷念的》,雖然喺五強獲得最高分嘅19盞綠燈,不過因為要綜合觀眾投票,所以無緣晉身最後兩強,相反表現平平但有觀眾緣嘅Gigi同Chantal就成為最後兩強。唔少網民都認為賽制設計有問題,紛紛喺網上留言鬧爆同戥Archie唔抵,例如:「嘩!!! Archie明明表現最好但foul咗」、「archie真係唔抵......明明佢最高分」、「這個玩法gigi就算0分都可以入最後2強,50%嘅分唔關決賽事,邊個天才唸出來?」、「造馬! 有咩理由唱得最高分果個會入唔到圍~」、「呢個比分制度真係得啖笑」、「Archie 唱得最好都冇得入決賽」、「垃圾賽制!垃圾比賽!」、「今次賽制不知所謂,今次唱高分也沒用。」及「低分可以入最後兩強係咩玩法」等等。

《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖

五強學員唱到炒晒車
噚晚比賽以直播形式進行,同時亦係參賽者喺開賽後首次嘅直播表演。唔知佢哋係唔係緊張得滯嘅關係,網民們都認為佢哋嘅表現麻麻地,留言話佢哋唱到炒晒車,例如:「今日集體炒車」、「全部live都好難聽」、「衰啲講句 論唱live busking大把人好過佢地」、「大型炒車現場」、「今晚5強全部變咗業餘水準」、「成晚無一個唱得真係好」、「個個炒粉, 咩玩法!!!!????」及「今晚個個都唱得麻麻」等等。

《聲夢傳奇》決賽截圖
《聲夢傳奇》決賽截圖

陳奐仁暗寸周柏豪成焦點
第四位出場嘅Rock唱出陳奕迅嘅《衝口而出》,表演完畢後導師周柏豪就話Rock冇用到自己擅長嘅慢歌,反而係用咗快歌去表演,佢覺得要俾掌聲,因為衝破咗佢嘅舒適圈。之後評審之一嘅陳奐仁就疑似暗寸周柏豪:「柏豪由第一集到而家都冇變過,都係好叻去保護自己嘅學員,俾啲掌聲柏豪呀!...Rock你今日嘅演出係中至大失敗,因為揀歌揀錯咗...」 之後隨即引起網民討論,例如:「hanjin咁直」、「陳奐仁好老實」、「hanjin直接抽擊佢喎」、「hanjin 講 pakho講得好正」、「Rock俾柏豪玩死」、「好鍾意Hanjin 得佢講真說話」及「比啲掌聲柏豪 好串」等等。

《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖

Yumi深得網民歡心
如果要講噚晚最得人歡心嘅學員,相信唔少網民都話話係Yumi。Yumi係首位出場嘅學員,佢選擇跳唱郭富城嘅《第四晚心情》 ,最終獲得17盞綠燈。除咗評判及導師大讚佢之外,網民亦大讚佢表現不俗同好靚女,例如「yumi 個look好正」、「Yumi好qq」、「Yumi可以去韓國發展了」、「今晚最有水準係yumi」、「yumi真係無得輸 又跳得好 唱又ok​​」、「yumi最穩定 勁唔抵 佢又唱又跳 其他垃圾受唔住壓自爆都贏唔到」及「Yumi 幾啱唱快歌」等等。

《聲夢傳奇》決賽截圖
《聲夢傳奇》決賽截圖

Gigi表現失準但成三料冠軍
喺比賽中,Gigi喺第一及第二回合分別唱出辛曉琪《領悟》及Lady Gaga的《Bad Romance》,最終Gigi以22對3盞燈擊敗Chantel,成為三料冠軍。不過唔少網民都認為佢表現失準,紛紛留言話:「gigi唱到失哂水準都入到決賽,tvb真係做馬做到出晒面」、「感覺 gigi 對自己表現唔好 , 搞到好唔開心咁...」、「太多技巧,咪搞到自己炒晒車囉」、「Gigi前面似喃嘸⋯」及「佢第一首明顯失準,但全晚計也足夠拿冠軍」等等。另外,亦有網民認為Gigi係實至名歸,例如「Gigi 今晚表現超晒班,實至名歸!」、「gigi 事實唱功第一」、「Gigi 值得」及「Gigi 贏晒啦」等等。

《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖
《聲夢傳奇》決賽截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能