《造美人》佳麗爭奪8強入決賽 網民最想Kathy出局

·2 分鐘文章
Kathy
Kathy

ViuTV另類選美節目《造美人》進行得如火如荼,10強名單早前已經誕生,而今個星期就講佳麗們喺CAMP爭奪8強決賽機會,踏上選美舞台。雖然而家8強仲未誕生,不過一班網民就已經揀咗佢哋最想被淘汰嘅佳麗,而呢個人就係Kathy(張育玲)。節目將參賽者分為公主組同平民組,而分數一直領先嘅Kathy就未有跌出過公主組。雖然佢分數俾唔少參賽者高,不過佢似乎得唔到網民們嘅支持,而家就睇下網民列出Kathy嘅罪名啦!

1. 前後對比不大
喺第一集嘅時候,Kathy已經被幕後人員大讚靚,同話被人質疑塊面有做過手腳,後來得到專業人員證明佢個鼻係真材實料,佢話變靚係為自己,所以佢唔會理其他人,當時獲得網民讚賞。雖然大家都有睇到佢有努力做運動,不過佢嘅前後對比真係唔大,所以認為佢冇進步空間,如果佢入8強嘅話,會對其他變靚好多嘅佳麗唔公平。

2. 欠缺觀眾緣
Kathy喺節目中一直係留喺高分嘅公主組,不過就得唔到網民嘅歡心,唔少網民都話佢好造作、發姣、自大及以為自己好威同好靚女等等。

3. 零團隊精神
上兩集節目就講到節目組安排參賽者去Camp,一開始就要求公主組及平民組去五個check point,每個人都好落力咁跑去check point,唯獨Kathy仲對鏡頭擺甫士,同慢吞吞咁去目的地,仲要話「靚女係跑得慢啲」,咁樣真係難怪網民話佢冇團隊精神、喺隊中冇貢獻同唔投入。

4. 一出聲好八婆
網民話Kathy唔出聲好啲,因為一出聲就好八婆。另外,仲有網民話佢好港女格,以為自己真係公主。

《造美人》截圖
《造美人》截圖
《造美人》截圖
《造美人》截圖
《造美人》截圖
《造美人》截圖
Kathy
Kathy
Kathy
Kathy
Kathy
Kathy
Kathy
Kathy

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能