《開心大綜藝》昨晚首播彈多過讚 網民:無聊又老土

《開心大綜藝》截圖
《開心大綜藝》截圖

無綫全新合家歡綜藝節目《開心大綜藝》噚晚首播,節目係曾志偉回歸後首個重磅綜藝節目。節目中有大型歌舞、短劇及遊戲環節,似足當年《歡樂今宵》。而家就同大家睇下網民有咩反應啦!

低級趣味又老土
節目中最有話題性一定係首節嘅扮嘢情節,陸永戴鴨嘴口罩陸永扮圓教授、阮兆祥戴假髮扮張竹笙醫生,而首席創意官王祖藍就變身成「無綫特別堆田區行政長官」藍太,抽盡疫情記者會嘅水。不過網民好似唔多受落,覺得節目好似仲做返10年前「福祿壽」嘅嘢及王祖藍又係扮女人等等,例如「2021年王祖藍依然齋識食字gag 同扮女人」、「老尷都算 疫情都攞黎講笑 傻X咗?」、「似鬧劇」、「又係扮野 王祖藍冇其他野識」、「用廿年前舊橋炒冷飯叫創新, 正」、「呢d gag 應該上代人比較受」、「玩左咁多年都係扮人 不思進取」及「完全笑唔出..拎疫情來講笑有d過份」等等。

《開心大綜藝》截圖
《開心大綜藝》截圖

人多好嘈
有人認為節目主持太多,同一時間有多過一個人講嘢,成個感覺太嘈,都唔知自己睇緊乜,紛紛留言話:、「種亞視感覺仲強過平時啲綜藝節目」、「人一多就嘈」、「亞視台慶咁」、「好吵,無聊,睇左10分鐘就熄電視。」、「成班人得過嘈字」、「我都唔知自己睇緊乜.嘈到咁.」及「想玩返歡樂今宵個套,但其實唔使咁多人,成本太高太多無聊人,好快捱唔住」等等。

《開心大綜藝》截圖
《開心大綜藝》截圖

遊戲無聊睇到好尷尬
喺節目中,主持及參與藝員玩咗幾個遊戲,不過網民就唔係好受落,仲話遊戲無聊又抄《Running Man》,紛紛留言話「d game好無聊,玩返超級無敵大電視,開口中好過」、「咩年代仲玩呢啲」、「抄RM又抄得無氣氛」、「好X尷尬 真係有人笑得出??」、「真係頂唔順成班係度自high」、「玩遊戲嗰part好悶,做d短劇搞吓笑仲好」及「太無聊,D遊戲根本唔吸引,正係角色扮演較幾有睇頭」等等。

《開心大綜藝》截圖
《開心大綜藝》截圖

當然亦有部分觀眾覺得好好笑,因為王祖藍扮林鄭月娥好似。細微位都學得好足,留言話「屋企老人家係咁笑」、「王祖藍 真係扮得好似,好好笑」、「好好笑喎, 笑到標眼水」及「笑下又一晚,何必咁認真,最鍾意記者會個部分」等等。王祖藍之後都有表示,希望以開放態度,可以嬉笑怒罵一點,望無綫有新嘅改革。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!