馮盈盈醫生前男友現身《早D知早D醫》 獲網民大讚一表人才及指FYY走寶

29歲嘅「上位小花」馮盈盈喺2016年參選港姐，當時佢已經承認有男朋友，獲得冠軍後即加入TVB，更多次分享與醫生男朋友「寶寶」Martin（鍾文浩）嘅愛情故事及相處之道，但可惜二人喺2019年因「相處好，同住難」而分手，並淡出大眾視線。近日Martin現身TVB節目《早D知早D醫》，被網民認出並掀起討論。

TVB健康資訊節目《早D知早D醫》，為觀眾羅列不同健康風險與資訊，早前就介紹紅斑狼瘡，除咗有《中年好聲音》參賽者梁德欣（Mimi）分享患病嘅心路歷程之外，仲搵嚟皮膚專科醫生講解，分享徵狀及治療方法，而呢位醫生就係馮盈盈前男友Martin，現時係「港大醫學院臨床醫學學院內科學系名譽臨床助理教授 」，佢着上西裝，外貌亦同之前分別唔大，而談吐亦非常斯文。

節目出街後，Martin隨即被網民認出，並大讚佢一表人才，及馮盈盈走寶，因為Martin喺2021年已經成為人夫，與報稱任職空姐嘅老婆黃潁妍拉埋天窗。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！