《開心大綜藝》玩時間停頓被指尷尬又老土 網民：30年前的歡樂今宵？

逢周日晚直播嘅《開心大綜藝》，喺最新一集（16日）嘅「時間停止」環節，邀請咗古裝劇《一笑渡凡間》演員到現場演短劇，期間蕭正楠和江欣燕透過手中嘅「時間停頓器」控制時間，從而整蠱一班劇中演員。呢個短劇應該係想引觀眾笑，但卻惹嚟網民們劣評。

喺呢個環節，開頭就講到母親（文雪兒飾）交代逝世嘅老公只留下一個「爛銅爛鐵」，細仔蕭正楠無意間發現呢個係「時間停頓器」，可以令到被指嘅人唔郁。之後，蕭正楠同江欣燕就借故整蠱劇集嘅其他演員，例如將冰塞入湯洛雯件衫、迫張達倫同游莨維接吻、用脫毛貼幫易宇航脫毛及迫周志康食芥末等等。

節目出街後，網民唔覺得短劇好笑，反而覺得好尷尬及老土，紛紛留言話：「好老尷」、「仲玩呢d所謂趣劇」、「tvb編劇真好賺 只係返炒舊嘢」、「好無聊！」、「30年前的歡樂今宵？」、「又玩大整蠱」、「其實真係唔好笑」、「真係唔知點先可以令自己笑得出」及「呢d趣劇真係吱都晤笑難為班演員」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！