《陀槍師姐》「花灑」邵傳勇星途黯淡轉戰北上發展

現年49歲嘅邵傳勇喺80年代入行，拍過幾十部電視劇，可惜都係藉藉無名，觀眾見到佢個樣都未必記得佢個名。直到邵傳勇拍攝《創世紀》、《金裝四大才子》、《陀槍師姐》及《法證先鋒》等多部無綫劇中都有精湛嘅演技，觀眾先開始對佢留下印象。

原來邵傳勇同邵逸夫係有親戚關係，佢哋係同一太公，但不同房，同屬浙江寧波嘅大戶人家。邵傳勇太公係上海著名裁縫師，擁有上海第一棉紗廠，並壟斷整個行業，上海巨頭之一。佢婆婆為30、40年代著名電影明星顧蘭君，同胡蝶、阮玲玉等齊名嘅民國十大影星。

可惜到咗邵傳勇爸爸嗰一代開始家道中落，跟「世界七大船王」之一的董浩雲一起「做船」，結果船沉了。跟銀行借錢買地皮，結果銀行倒閉。當時喺英國讀書嘅邵傳勇，因為冇錢交學費，而被逼回流香港，並開始其演藝生涯。佢一直以來都冇叫邵逸夫幫手，繼續做綠葉角色。

邵傳勇曾經同黎芷珊拍拖，1998年情人節佢經歷咗一場重大車禍，差啲變植物人，佢腦殼上釘左四個釘，喺屋企休息咗八個月先逐漸恢復，當年黎芷珊對佢不離不棄，一直用心照顧，可惜康復後二人都係分手收場。經歷人生高低起跌後，邵傳勇去咗上海定居，認識太太屠焱，同好兄弟呂頌賢創辦「素食火鍋店」和一家影視公司「傳頌影業」，佢嘅人生開始過啲幸福生活。