《KATCH OUR LIFE Jer柳應廷 x MC張天賦 音樂會》加開一場 Jer柳應廷MC張天賦同感唔夠喉加場止癮

由Katch音樂娛樂平台主辦，《KATCH OUR LIFE Jer柳應廷 x MC張天賦 音樂會》，自公布後反應熱烈，掀起全城撲飛熱潮，早前公開換領的8月30日門票更一推出便被秒殺。大會現宣布加開8月31日一場，而且更推出VIP門票，讓觀眾可以入場獨家觀賞Jer 柳應廷及MC 張天賦的絕密綵排。

今次Jer與MC首度合作，二人都已興致勃勃，積極構思音樂會的內容，而當知道門票被秒殺的時候，二人都感到十分興奮，其中Jer道：「本身都覺得唱一場唔夠喉，有得加場當然開心！」，MC更謂：「加場當然開心啦，因為可以有多啲機會，等更多嘅觀眾可以接觸我同Jer嘅音樂，睇到我哋嘅合作，而且一場唔夠喉，兩場就滿足啲。」既然有兩場演出，二人可會為此而特別構思更多不同內容，讓每場音樂會都變得獨一無二？Jer表示：「會同MC認真考慮，希望大家期待吓！」MC表示：「要睇同Jer嘅時間配唔配合到，能唔能夠有充足嘅時間準備多啲嘅表演，如果有娛樂性，同埋觀眾可以睇得開心啲嘅話，當然可以有多啲唔同嘅嘢啦！」