「七魔女」遊泰國 49歲佘詩曼大曬比堅尼福利圖 透視零贅肉身型 網民：好有女人味

佘詩曼、梁靖琪、鍾麗淇、湯盈盈、文頌嫻、周家蔚及姚樂怡「七魔女」為圈中嘅經典好姊妹，雖然平日各有各忙，但成員生日或大時大節都會抽空聚會。近日，「七魔女」（文頌嫻未有同行）更加去咗個泰國Girls Trip。佘詩曼就喺社交平台大曬泳衣照，每位都keep得勁好，尤其佘詩曼更被網民激讚。

七魔女齊齊以黑色泳衣造型影相，佘詩曼分享合照，寫道：「Taking a break from the world and pampering ourselves on this incredible trip!」。合照以外，佘詩曼更PO出3張個人泳衣福利圖；從相中所見，佘詩曼身穿黑色比堅尼配魚網長身上衣坐喺池邊，魚網長身上衣透視出零贅肉嘅好身型，加上皮膚白滑，被網民大讚激靚，49歲仍保養得宜：「真係好Charm好有女人味」、「哇哇，姐姐太美啦」、「果然是香港小姐」、「隔住層網都感受到熱情的感覺」等等，又有唔少圈中藝人都大讚佘詩曼好正，包括鄭秀文、王敏奕、高海寧、余安安、龔慈恩等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！