「國民初戀」姚焯菲家境富裕 自拍令極具氣派浴室曝光
無綫選秀節目《聲夢傳奇》亞軍「國民初戀」姚焯菲(Chantel),喺比賽時已經累積一定人氣,TVB更為佢推出個人單曲及與炎明熹(Gigi)、鍾柔美(Yumi)及詹天文(Windy)組成女團「After Class」出道。家境富裕嘅Chantel家住位於荃灣半山市值2000萬豪宅,佢嘅家居喺較早前《聲夢傳奇》特備節目《STARIES聲夢定時動態》已經曝光,去到噚日Chantel上載喺浴室嘅自拍照,令屋企再一次曝光。
喺《STARIES聲夢定時動態》中,林君蓮(Kaitlyn)以睇風水為由突襲Chantel屋企,其1,500呎屋企客飯廳光線十足及極具空間感,加上白色牆身及屋企非常整潔,而佢嘅睡房就以少女味濃嘅粉紅色為主。去到噚日,Chantel穿上羽絨褸於浴室自拍並上載到社交網站,令其浴室曝光。Chantel屋企嘅浴室以白色為主,配有雲石牆壁,再有一個大大嘅浴缸,極具氣派。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!