「張秋」梁佩詩變短髮輕熟女 自爆奪哈利初吻遭種族歧視

《哈利波特》電影系列中，除咗三位主角外, 其他同學仔角色都好受關注，不時都會傳出佢哋嘅近況，喺劇中飾演哈利波特初戀對象嘅張秋都唔例外，佢由2005年《哈利波特：火盃的考驗》一直演到大結局《哈利波特－死神的聖物2》。今年33歲嘅梁佩詩（Katie），仍然活躍於電影及電視圈，不過就唔再以清純少女形象示人，變成一頭短髮嘅輕熟女。

早前梁佩詩接受訪問時，表示當年佢係從3,000人中脫穎而出本來好開心，但係劇外竟成為大家憎厭嘅對象，由於佢係華人，而且佢仲要係哈利波特嘅初戀對象，兩人又有接吻戲，因此受到唔少種族歧視和網上欺凌，成為大家憎厭嘅對象。梁佩詩喺網上見到唔少劇迷都批評佢唔適合扮演張秋呢個角色，而批評中有夾雜種族歧視等人身攻擊。佢試過將消息話俾電影公關知，但佢哋冇幫手之餘仲要扮到咩都睇唔到，令佢感到非常難堪。

事隔多年，佢已經成功走出陰影，仲得到蘇格蘭最性感適婚女士第一位（2007）、入選英國華人青年聯會主辦的「大笨鐘獎」十大傑出華人青年（2009）等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！