「細細粒」陳嘉佳自爆曾2年冇拍劇 拍片大談𢱑撈經歷

陳嘉佳（細細粒）轉簽為王祖藍旗下藝人後，轉為主攻內地市場。除咗參與綜藝節目等工作之外，佢經常喺抖音開live做美食達人，介紹各式各樣嘅食品，成功闖出名堂，粉絲人數已經超過48萬，真係好犀利呀！近日佢又上載一條短片到抖音，同大家分享佢喺無綫時期嘅𢱑撈經歷。

細細粒喺片中同大家分享喺無綫嘅𢱑撈經歷，佢話：「雖然TVB是一個那麼大的公司，當你沒有工作的時候，你可以主動去找，我有兩年差不多沒有拍電視劇，然後我挺想拍的，一天我找了一個監製，其實每個監製都很好人的，他說可以的有我的，我會找你拍，剛好我發了這個消息沒多久，他就找我拍了一個《是咁的，法官閣下》。」之後，佢仲話：「TVB有近300名藝員，被忘記是很正常。其實你不要覺得這是很丟臉的事，是我真的很喜歡這份工作。然後我覺得是需要的，適合我的考慮我一下，你自己喜歡這個工作，你去做這些事你不覺得丟臉的。」

即將步入36歲嘅細細粒，喺2歲時與家人由上海到香港定居。細細粒喺兒時已經學鋼琴，更考至八級資歷，所以喺中學畢業後主力教琴，一教就教咗十年。之後，佢覺得人際圈子太窄，所以就經朋友介紹下到電影道具公司任文職，將教琴由全職轉為兼職。加入電影公司後，佢仲間唔中擔任臨時演員，更獲王祖藍賞識，推薦演出無綫劇集《老表，你好嘢！》，憑細細粒一角爆紅，廣受觀眾認識。之後佢仲獲得唔少拍劇機會，例如《My盛Lady》、《忠奸人》、《老表，你好hea！》、《迷》及《是咁的，法官閣下》等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！