「細細粒」陳嘉佳開live帶貨狂食 作客電台節目大談箇中辛酸

·2 分鐘文章
「細細粒」陳嘉佳開live帶貨狂食 作客電台節目大談箇中辛酸
「細細粒」陳嘉佳開live帶貨狂食 作客電台節目大談箇中辛酸

近年內地興起明星喺網上平台直播帶貨,唔少香港藝人都投身「帶貨」行列,當中包括36歲嘅陳嘉佳(細細粒),佢經常開live做美食達人介紹各式各樣嘅食品,粉絲人數已經超過42萬,真係好犀利呀!近日電台節目《一圈圈》就邀請咗細細粒作客,期間佢更分享直播賣貨嘅經歷。

細細粒嘅抖音直播sell嘅食物品種廣泛,例如橙、臘腸及花膠等等。喺直播帶貨初期,由於細細粒冇經驗嘅關係,所以係冇人睇同買貨。直至12月,佢嘅直播事業突然變得順風順水,銷售額試過達到37萬5千。佢仲話以前啲直播冇人睇都要扮吓嘢,食到津津有味,而家只要揚下聞下就好多人會買。不過大家唔好以為做呢類美食直播好容易,其實細細粒背後都有唔少心酸史,例如佢一晚要sell 50件產品,每日要做7個鐘頭直播(由7點做到凌晨2點),之後仲要開會,返到屋企已經係朝早6點,然後12點起身又要返公司拍短視頻。

之後,主持人問佢開live之前會唔會食嘢,細細粒就話唔會,因為試品佢都會試食,所以係會好飽,喺放假時佢都寧願飲水。之後,佢仲話有時食到唔想食,佢都要夾硬食。

細細粒早前為電台節目《一圈圈》做嘉賓
細細粒早前為電台節目《一圈圈》做嘉賓
「細細粒」陳嘉佳(網絡圖片)
「細細粒」陳嘉佳(網絡圖片)
「細細粒」陳嘉佳(網絡圖片)
「細細粒」陳嘉佳(網絡圖片)
「細細粒」陳嘉佳
「細細粒」陳嘉佳
「細細粒」陳嘉佳
「細細粒」陳嘉佳

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!