【唔知問咗幾多人呢？】為即興抽獎急撲水 佘詩曼借6位數慰勞劇組

佘詩曼、菊梓喬及李丞責，今日以嘉賓身份去到馬場出席初三農曆新年賽馬日，王晶亦有到場，他指今日沒馬出賽，又叫大家初六捧他的出賽馬，而穿上紅色衫入馬場的佘詩曼笑言，希望發新年財中三T。

阿佘於農曆新年前，與黃曉明在橫店拍攝新劇，初一才由橫店趕返港出席活動，她表示在橫店跟劇組600多人一齊食團年飯：「好開心第一次咁多人一齊食年夜飯，但突然話要搞抽獎，因為櫃員機冇晒錢，最後要問劇組同事撲水，借咗6位數，但係派得開心。」阿佘於明天趕回橫店開工，趁這兩天在港跟家人食飯，問到家人有否催婚，阿佘笑言：「今年冇去拜年，不過佢哋理解，我要拍到3、4月先再返香港，希望身體健康，今年都預咗6位數字派利是。」

李丞責表示，自己本身都有橫財運，所以會抱做善事心態投注：「老婆(劉倩婷)會嚟監場，如果中咗就會沒收張飛。」問到李丞責會否趁豬年添丁，他說：「未必趕得切，但豬仔好有藝術才華，自己就鍾意老鼠同牛，我老婆、家姐、媽咪都係屬牛，屬牛比較細心，因為我跳跳紮同我好配合。」

菊梓喬(HANA)今年第一年為馬會擔任嘉賓，對於被發現駕新車，同時光顧貴價美容院，HANA說：「新車係公司贊助，之後要交還，開心自己財政有進步。」