【回帶】退隱加拿大 王傑自稱被落毒致失聲大量脫髮 專家質疑飲品中毒難傷及聲帶

·3 分鐘文章
【回帶】王傑自稱被落毒失聲大量脫髮 專家質疑飲品中毒難傷及聲帶
【回帶】王傑自稱被落毒失聲大量脫髮 專家質疑飲品中毒難傷及聲帶

八九十年代喺兩岸紅極一時嘅香港歌手王傑,2017年出完告別專輯之後退出樂壇,近年移居加拿大生活,最近又有網民搵到佢嘅生活照,雙鬢花白更見滄桑。王傑一生真係見盡高低起伏,曾經潦倒到冇錢開飯,被賞識成為歌手後大紅大紫,但係後來因為呢件事而被迫退隱。

2010年王傑喺內地一個訪談節目自爆,幾年前被人喺飲品度落毒,令佢聲帶受損,完全出唔到聲,仲話係「中了一種叫鉛毒,就是少數水銀」。因為咁,王傑有好幾年聲音沙啞,搵盡方法求醫,不過醫生話要幾年時間先可以恢復。而當時王傑就話即使做咗好多治療,嗓子都冇法回到以前咁響亮。

【回帶】王傑自稱被落毒失聲大量脫髮 專家質疑飲品中毒難傷及聲帶
【回帶】王傑自稱被落毒失聲大量脫髮 專家質疑飲品中毒難傷及聲帶

而喺2017年另一個節目,王傑重提中毒事件,原來事後唔止把聲受損,連頭髮都甩剩百分之廿幾。王傑本來最自豪自己頭髮濃密,望鏡見到自己咁樣情緒大受打擊,甚至搵油漆油咗塊鏡逃避。

唔少網民同娛記都估究竟邊個出手落毒,甚至有矛頭指向多位天王級歌手,不過都係無法證實。而王傑就公開講過知道誰是真正主謀,但信佛之後決定唔去報復,而佢亦冇提到邊個係元兇。

【回帶】王傑自稱被落毒失聲大量脫髮 專家質疑飲品中毒難傷及聲帶
【回帶】王傑自稱被落毒失聲大量脫髮 專家質疑飲品中毒難傷及聲帶

雖然王傑話自己聲線不復當年,但係睇返佢參與內地嘅音樂節目,雖然高音仲係沙沙地,但起碼無走音或者要降key遷就。而早幾年有傳媒就「中鉛毒會否影響聲線」,訪問生物化學專家曹宏威博士,博士認為中鉛毒的確會導致甩頭髮,亦會影響聲音,但唔會傷及聲帶。而家庭醫生李家仁就話,如果飲一杯飲品就中鉛毒,咁嗰杯飲品要有好高濃度嘅鉛,一入口就會飲得出金屬味道。兩位專家都認為,喺飲品度落毒令人聲帶受損機會唔大。而曹宏威博士天加話鉛毒唔易排走,即使事隔多年,想知有冇中毒,一驗就知!

【回帶】王傑自稱被落毒失聲大量脫髮 專家質疑飲品中毒難傷及聲帶
【回帶】王傑自稱被落毒失聲大量脫髮 專家質疑飲品中毒難傷及聲帶

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!