【文青系女神】《跳躍生命線》River 李靖筠出道4年做齊4間電視台

大家有冇留意無綫劇集《跳躍生命線》中被張彥博迷戀嘅女仔River(李靖筠Gladys飾)，好似曾經喺電視唔同嘅頻度見過佢呢？原來佢係香港電視史上，第一位出道短短4年先後分別ViuTV、香港開電視（舊名奇妙電視）、無綫電視及香港電台電視台出鏡嘅藝人！

《跳躍生命線》播出之前，有睇開ViuTV嘅網民都會發現到佢主持嘅《最熟悉的陌生人》先剛剛播完。一轉台，就已經見到佢喺無綫再次出現。其實Gladys喺14年已經成為模特兒，之後16年加入ViuTV向電視圈發展，更因為劇集《三一如三》飾演溫碧霞女兒而突顯佢嘅演藝才能同本領。

而今次《跳》劇入面同張彥博有感情線，仲喺劇集入面展現佢嘅音樂才華。因為Gladys除咗係一位模特兒同演員之外，音樂方面亦有一定水準。今次可以話係令各位網民大開眼界更期待佢嘅演出！

大家都好奇Gladys有咁多身份出現喺咁多個電視台到，佢會最鍾意邊一個電視台或者想留低係邊一個電視台呢？Gladys 就認為其實只要係好題材好劇本佢都有興趣，亦都冇諗過話揀邊一個電視台先令到自己更出色，因為佢自己年紀少，有好多拼搏嘅機會，覺得去唔到地方可以吸收到唔同經驗，累積比一切要好。所以佢都好希望可以有唔同嘅類型同角色俾自己。而且日後日子Gladys都會保持開放態度，去唔到地方有唔同演出，因為佢深信唔同電視台都各有優點。