【最慘帶貨明星】67歲李國麟直播帶貨食小龍蝦 辣到不停飲水 網民心酸: 小心身體

李國麟
李國麟

近年唔少香港藝人選擇北上搵真銀,紛紛加入直播帶貨行列,當中包括67歲嘅TVB「綠葉王」李國麟,可惜佢嘅直播帶貨事業唔係太順利,試過直播8個鐘只有大約一千人收睇,出貨量極低,更慘被外界封為「最慘帶貨明星」。不過李國麟並無因此而放棄,仲堅持繼續做直播帶貨,最近仲直播「鯨吞」小龍蝦。

日前深夜時分(28日),李國麟又進行直播帶貨,今次唔再係女性衛生用品,而係小龍蝦。戴上眼鏡及著上圍裙嘅李國麟一邊食一邊賣,期間仲話:「實在是太好吃了,你們趕緊下單」。李國麟嘅直播大約有二千人收睇,面對住一大盤油膩又辣到不停飲水嘅小龍蝦,佢都依然繼續食,甚至徒手拎起啲麵嚟食,仲要一食就食咗個半鐘。而旁邊嘅助手見到佢嘴上有油,就幫佢除眼鏡同抹嘴。

唔少網民睇完都覺得佢太搏命及心酸,留言話:「年紀咁大仲食咁油既嘢,小心身體」、「明明靠演技食飯, 淪落都要做小丑」、「没必要這麼拼吧,這麼大歲數了,半夜吃這麼多根本不消化!」、「過氣演員為了賺錢,也是真的不容易~感覺都吃不進去了,為什麼不讓助理幫着吃點呢?」、「難為鳩摩智了,帶貨不容易。為了錢不要命。」、「可憐到…@@那啲小龍蝦 食垃圾大嘅….麟哥。未夠錢退休?生活」及「生活不易、尤其是中年」等等。

李國麟(網上圖片)
李國麟(網上圖片)
李國麟(網上圖片)
李國麟(網上圖片)
李國麟(網上圖片)
李國麟(網上圖片)
李國麟(網上圖片)
李國麟(網上圖片)
李國麟
李國麟
李國麟
李國麟
李國麟
李國麟
李國麟
李國麟

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能