【母親節快樂】2021年娛圈喜事 準媽媽有邊幾個？

今個星期日（9日）就係滿載溫馨嘅母親節，因疫情及防疫措施嘅關係，令到不少人為外出慶祝而煩惱，唔知大家準備咗啲咩禮物及活動同媽媽慶祝呢？今年有唔少藝人或其太太宣布懷孕，不如今日就同大家睇下有邊幾位娛圈準媽媽啦！喺度預祝各位媽媽及準媽媽母親節快樂！

沈卓盈
「沈大師」沈卓盈 （Jess）於19年與經營內衣生意嘅圈外男友Calvin結婚，去到今年元旦佢就喺社交網站宣布懷孕喜訊，預產期就喺年中。

岑麗香
岑麗香（香香）喺16年同拍拖一年半嘅Joshua（強強）結婚，婚後二人努力造人，並於19年誕下愛情結晶品Jacob。去到今年2月，香香宣布再度懷孕，雖然佢未有公佈BB性別，不過就公開咗BB嘅花名為小腰果，預產期為5月頭。

余香凝
余香凝（Jennifer）上年11月與圈外男友陸政渡結婚，12月便於社交平台，宣布陀B呢個好消息，而預產期就係年中。

湯怡
自18年與洪卓立分手後，湯怡未見有新戀情。直至今年1月，佢同麥秋成分別喺社交網站宣佈結婚兼懷孕，雙喜臨門！另外，早前湯怡亦透露預產期嘅7月。

楊洛婷
楊洛婷（Rabeea）14年與Dear Jane樂隊主音Tim結婚，17年誕下囡囡Tanya。去到今年2月，楊洛婷喺社交網站宣佈再度懷孕，預產期係7月。

陳少邦太太鄭加盈（Rain）
與林峯同期出道嘅陳少邦，16年與澳門主播鄭加盈（Rain）拉埋天窗。去到上個月，佢喺社交網站宣布太太懷孕嘅好消息。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！