【法院頒令「限制消費」】土豪變平民 葉璇餐廳開飯變野餐

因為前男友小默小生喺微博抱不平，葉璇搞到要通過微博搵公證處起訴小默舊愛呂小姐誹謗，結果最後卻敗訴，需要公開道歉及賠償，不過葉璇就乜都冇做，搞到日前再被法院採取「限制消費」措施。

雖然事後葉璇回覆《蘋果》時，就表示「沒聽說過。」不過，葉璇都似乎開始守番呢個「限制消費」嘅規則，事關一向鍾意喺微博晒命兼放閃嘅佢，今日就一反常態，放假竟然唔去餐廳食飯歎世界，而係改為行山、賞楓、野餐。

未被公開受法院頒令限制消費之前，葉璇去餐廳係食大閘蟹嘅；被公開後，葉璇唔去餐廳，而係去野餐食，食水果、零食等，最豐富嘅只係蝦。

雖然由土豪變平民，但葉璇仍然好enjoiy咁喺微博話：「周日就是要被溫柔叫醒，然後到郊外野餐賞楓。女生們負責吃和美，男生們負責背和累。」

不過有粉絲問葉璇點解唔帶蟹去食嘅時問，心情大靚嘅佢就回覆話：「正在回去吃的路上！」而且仲加多個露齒笑嘅樣添。