【爆相爆片】夫妻現身幼稚園零交流 呂慧儀黃文廸早已貌合神離

蘋果動新聞
（左圖：IG圖片、右圖：讀者提供）
（左圖：IG圖片、右圖：讀者提供）

呂慧儀與黃文廸於11年結婚，婚後3年誕下兒子Anton，可惜最後敵不過七年之癢。黃文廸早前被《蘋果》踢爆在巴士上和一名女子有親暱舉動，在新歡新聞曝光的當晚深夜，兩人更隨即發出共同聲明，表示2018年已由夫婦變回朋友關係，又強調離婚跟第三者無關，兩人日後會共同撫養兒子。

《蘋果》讀者陳小姐昨日透過「爆相爆片」，披露去年11月曾在幼稚園遇到呂慧儀與黃文廸，當時已發覺二人貌合神離，直至最近得知原來二人早已離婚，即恍然大悟。陳小姐的小朋友和呂慧儀的兒子在屯門區同一間幼稚園上課，當日他們一起出現，皆因是觀課日，讓父母觀察子女上課及老師教學狀況，陳小姐說：「當時都未知離婚，見到佢哋一齊坐，但好奇怪，完全冇交流，呂慧儀不停撳電話，兩個人一句嘢都冇講過。」

雖然當時正值流感高峯期，所以家長們都需要戴上口罩，但陳小姐表示一眼就認得出他們：「平時都好少撞到呂慧儀，多數係佢老公送小朋友返學放學，上年K1到今年K2，小朋友都係返半晝，成日見到佢老公接仔放學，一接完就即刻走，冇同家長有咩交流，只係覺得佢好得閒，好似唔使返工咁。至於呂慧儀，就冇撞過佢嚟接個仔。」

呂慧儀去年和黃文廸現身兒子就讀的幼稚園時，已經冇交流。（讀者陳小姐提供照片）
呂慧儀去年和黃文廸現身兒子就讀的幼稚園時，已經冇交流。（讀者陳小姐提供照片）
前年還為兒子慶祝生日，一家人好溫馨。（IG圖片）
前年還為兒子慶祝生日，一家人好溫馨。（IG圖片）
以前經常一家三口去街。（資料圖片）
以前經常一家三口去街。（資料圖片）
呂慧儀早前帶同兒子Anton現身活動。（資料圖片）
呂慧儀早前帶同兒子Anton現身活動。（資料圖片）