【爆相爆片】5日唔食嘢靠辟穀養生 47歲劉小慧唔似師奶

蘋果動新聞

47歲劉小慧跟蘇志威結婚21年,19歲大女君蕎長得亭亭玉立,11歲細女靖珺依然好黐媽咪,20年多前曾經係寶麗金小花嘅小慧,近年升呢做馬主夫人後,通常喺馬場見到佢嘅蹤影,不過,日前小慧孖細女現身銅鑼灣,被讀者凌小姐透過「爆相爆片」分享。

平日以斯文look現身馬場嘅小慧,做回媽咪身份嘅佢原來打扮好young,着白色tee襯紅色短褲騷長腿,讀者在電話表示:「嗰日傍晚近6點,見到佢好熟口面,睇真啲原來係劉小慧,佢真人幾靚女,keep得幾好,兩母女去買外賣,細女似爸爸多啲,手腳都好瘦,而小慧好白淨,腳毛都冇一條,化咗少少妝,一啲都唔似師奶。」

30年前入行拍廣告嘅小慧,對於被讀者讚至今依然靚女唔似師奶,小慧接受《蘋果》電話訪問說:「咁多謝呀讀者,Thank you,我一直有養生,又學緊中醫,當然keep得比較好啲,我一年會辟穀一次,我呢個辟穀係黃帝內經,我師傅係中醫師,佢一直帶住我辟穀,唔係就咁唔食嘢,中間仲要做一啲『動工』,朝早吸太陽,下午行山,五日都唔食嘢,只係飲水同吸太陽精華,一年做一次辟穀,我覺得對身體好好。」

之前蘇志威曾透露大女到日本深造學整甜品,最近日本天災連連,問到大女是否身在日本?小慧說:「大女嚟緊下個月先去日本大阪讀書,我哋8月20幾號過去日本搵樓,啱啱去到風和日麗,走咗就打風,o依家打完風冇事啦,我本來諗住喺大阪買樓,但諗下放番出去好煩,租畀人又好煩,索性租樓算啦。」

47歲劉小慧近年注重養生,身型keep得甚弗。
47歲劉小慧近年注重養生,身型keep得甚弗。
小慧近年辟穀養生(讀者提供圖片)
小慧近年辟穀養生(讀者提供圖片)
細女似老竇多啲(讀者提供圖片)
細女似老竇多啲(讀者提供圖片)
小慧跟細女現身銅鑼灣(讀者提供圖片)
小慧跟細女現身銅鑼灣(讀者提供圖片)
着短褲嘅小慧打扮青春(讀者提供圖片)
着短褲嘅小慧打扮青春(讀者提供圖片)
小慧和阿細一家四口幸福滿瀉(網上圖片)
小慧和阿細一家四口幸福滿瀉(網上圖片)

其他內容