【獨家!!木村女襲港】15歲光希周二現身中環活動 阿媽靜香跟埋嚟

蘋果動新聞

木村拓哉嘅15歲細女光希(Koki)今年入行旋即走紅,其Instagram已破132萬人追隨,更成為廣告界新貴。身高報稱1.7米嘅光希威到海外,出道冇耐已獲招待到巴黎睇時裝騷,由於挾「木村女」之名在大中華已有一定號召力,所以佢將以神秘嘉賓身份來港出席品牌派對,更為香港雜誌拍攝封面及受訪,連媽咪工藤靜香都會同行,亦係靜香相隔逾20年再來港公開亮相。

最近,光希獲起用成化妝品大使,適逢該品牌在周二將假中環舉行嘅活動,大會事前公佈當日會有特別嘉賓到場,繼而傳出光希會在盛會上露面,身為星媽嘅靜香如無意外亦會同行,今次會係光希出道後首個海外嘅公開活動。據知,光希此行仲會為某時裝雜誌嘅香港版拍攝封面及靚相,行程得以全面曝光。

15歲光希下星期襲港。
15歲光希下星期襲港。
有指媽咪都會同行!
有指媽咪都會同行!
光希再更新IG晒靚相。
光希再更新IG晒靚相。

其他內容