【男神都要面對...】44歲吳彥祖中年危機 驚現M字額
中年脫髮真係令唔少男士頭痛,估唔到連男神吳彥祖(Daniel)都遇到同樣問題。佢今日喺ig貼咗一張陣年舊相,話係自己16歲時個樣,靚仔冇變過,變嘅係髮線位,當時頭髮非常濃密。
44歲嘅Daniel好感慨話﹕「found this in my Dad’s wallet. I must be about 16? I wish I had all that hair back.(在我爸爸銀包內找到這張相,估計我當時大約16歲左右?我想我的頭髮像當年一樣。)」有網民嘆:「時光一去不復返啊」。
其實禿頭、地中海、M字額喺娛樂圈好常見,鄭少秋、陳豪、陳奕迅、歐陽震華、古巨基,甚至早為憑《延禧攻略》爆紅嘅聶遠都有呢方面煩惱。不過,如何面對就視乎你點睇,好似江華早前就大方晒M字額同稀疏頭髮,最後更決定鏟光佢,江華好瀟灑咁話:「在意別人的評價,往往會在別人的逢迎誇獎中作出錯誤的決定,也會在別人的口誅筆伐中潰不成軍。」