【蘋果驗樓】評分56分不似業主預期 詹sir：「唔收貨！」

遠展（035）黃大仙鑽嶺實用不足200方呎、三尖八角的劏房一眼睇哂，業主睇落順眼無問題，資深驗樓師詹濟南「詹sir」出手，發現錯漏百出，狠批油漆差，廚廁都有漏水，地板鬆又凹貼滿執漏黃紙超過10處，總分56分，與業主預期85分大相逕庭，詹sir總結：「唔收貨！」

詹sir驗收鑽嶺高層劏房，實用198方呎，業主3年前以約360萬元買入。入屋即見廁所與客廳牆身傾斜，工作平台靠外牆身亦出現輕微傾斜。走向露台，未出已見趟門鎖鉸裝得差，露台外牆2塊空心磚之外，大廈外牆更出現鮮有的紙皮石甩掉，露台簷蓬甚至滴水，令詹sir中頭獎。

返入單位，油漆一撻撻，凹凸不平如波浪，過灰唔靚盡現眼前。幾十呎客廳地板卻仍多處鬆，地板面可見多處凹陷，詹sir在凹陷位置貼上黃色，結果越貼越多，超過10處以上。廁所淋浴間水龍頭無開，卻見地下濕哂，現場可見水掣駁位仍滴水，詹sir相信是未扭實。更馬虎的是，開放式廚房鋅盆去水窿被倒水泥，封了一個去水窿，水塞怎也塞不進。洗衣機去水喉漏水，詹sir嘆：「又中，不過來去水都扣到0分啦，多個唔多，少個唔少。」

全屋14項工種捧3隻蛋，包括鋪磚、來去水及潔具、地板，油漆扣餘2分。他稱，幾個工種零分攞命，總分56分，「分數合格但距離業主期望80分有一段距離。」他總結：「我唔收貨！油漆根本未做得好好。來去水當係意外，但有2處，有時都唔應該。瓷磚交樓時應該敲敲佢……油漆幾井工、地板夾埋唔夠2井都是咁多鬆……無嘢好講，而家啲人做嘢，就係咁樣，就算被佢再執都上唔到90分。」

聽完詹sir評分，業主劉小姐回應：「自己唔係專業，0分個啲睇唔到，加返來去水都有70分呱…詹sir隨即回應：「當來去水滿分，單位都係66分！」不過對之後收樓業主或許是佳音，詹sir稱，以往低分個案報道後，發展商一定大發雷霆，承建造會立院改善，不過唔係改善好多。

遠東發展發言人回應，有關單位內發現的執修事項，承建商已即時作出跟進，並預計於14日內完成執修。

記者：陳家雄

攝影：何耀勤