【貼合照放閃】卓林婚後首個聖誕 Andi勸大家只取所需

19歲嘅卓林同31歲嘅女友Andi今年喺加拿大成婚，雖然早前回港遇到阻滯要媽媽吳綺莉幫手，不過話晒已經係成家嘅人，所以日前吳綺莉都話卓林已經同太太搬走，媽媽喺出席活動時話：「人要自我反省，睇吓自己啱定唔啱，要時間去學習。」

今日係係卓林婚後首個聖誕，兩人排除萬難先可以結婚，難得佳節緊係要放下閃啦，兩人喺佢哋嘅公司IG放上咗一張粉紅色系嘅合照，寫上：「Love for all. All is one.」

另外，喺佢哋嘅個人IG都分別貼上自己嘅單人照，卓林寫道：「Climb a mountain not for the world to see but to see the world.」（攀上高峰不是為了給世界看見，而是為了看見世界），而Andi則寫上一篇文章，講述聖誕，又祝福大家每一日都可以同聖誕一樣咁開心，仲話：「Dec 25th. A day to think of those who are hungry, lonely, hurt, and lost. I will not accept more than i need.」（12月25號，這是一個想像別人正感受飢餓、孤獨、受傷與迷失的日子。我不會多拿我不需要的東西。）