【辛苦爸爸】收工趕返香港沖涼 大陸節目直擊祖藍陪亞男生B

蘋果動新聞
(左圖:《沒想到吧》截圖、李亞男Instagram圖片)
(左圖:《沒想到吧》截圖、李亞男Instagram圖片)

王祖藍同李亞男個寶貝女Gabrielle喺上個月平安出世,其後一對新丁父母晒B女手仔相宣佈喜訊,而B女個樣近日仲曝光,爹哋祖藍噚日仲豪氣話畀囡囡正面曝光,話要光明正大,一於冇有怕。

而喺噚晚播出嘅大陸綜藝節目《沒想到吧》第8季,就直擊咗祖藍錄影後,趕返香港陪老婆生B嘅紀錄。祖藍收工後,已經急急腳入房換衫,隨即上車去機場,喺車中,佢仲一路計時間幾點返到香港,先趕返屋企沖個涼,再趕去醫院陪老婆,祖藍喺片中話:「這幾天可能都在醫院裏面睡,因為她起碼要待幾天,白天又工作,不能見到她,所以只有晚上,可能到醫院裏面陪她就好,因為如果我回家睡,她就一個人在醫院裏面。」

歸心似箭嘅祖藍就算上咗飛機,都話:「希望快點去呀,快點可以看到她。」落咗機,上到接載嘅車,祖藍見到老婆已經預備好BB car seat喺車嘅後座,佢又話:「亞男真的安排得太好了,她已經把這個(car seat)放到這裏,這些都是亞男訂的……所有事情都是她去弄,寶寶的房間、所有的衣服、迎接寶寶的party,她基本上一個人都搞定,如果沒有她,我最近就真的不知道用一個怎麼樣的心情好好的去工作。」

祖藍組果喺過咗午夜12點半趕到醫院。之後再見到佢送老婆去產房,又為亞男戴好帽等,愛妻之情不言而喻。而當時仍係準媽媽嘅亞男嘅心情似乎比祖藍輕鬆,對住鏡頭都仲可擺晒勝利手勢。

祖藍收工一換衫即趕返香港
祖藍收工一換衫即趕返香港
一上車就計時間幾耐可以見到老婆
一上車就計時間幾耐可以見到老婆
上到飛機都好心急咁
上到飛機都好心急咁
祖藍話多得老婆乜都自己搞掂,令佢可以安心開工。
祖藍話多得老婆乜都自己搞掂,令佢可以安心開工。
祖藍為亞男整理頭髮
祖藍為亞男整理頭髮
準備生B嘅亞男神情輕鬆
準備生B嘅亞男神情輕鬆

你可能還想看