【雙語談戀愛】女就男講國語 Stephy投訴王子：淨係識得叫嘢食

鄧麗欣（Stephy）今早在山頂支持慈善跑活動，同場參與跑手還有吳雲甫、郭思琳、董嘉儀，可惜Stephy因工作關係，未能落場參與，她說雖然每次都是大清早時分舉行，但樂於參與慈善。

完成上一部電影作品後，Stephy希望盡快物色到新角色，現有幾個劇本洽談中，她表示自己對角色持開放態度，但近日突然想挑戰懸疑角色，不過劇本未夠張力，要調節做到最好。

此外，Stephy和台灣男友王子（邱勝翊）公開戀情後感情穩定，問到工作上可以情侶檔上陣？Stephy坦言：「暫時又冇喎，賺錢OK嘅，睇吓點做法，費事俾人話我太高調，適可而止就可以。」維持異地戀要經常港台兩邊飛，Stephy樂做跟得女友：「OK啦，唔喺香港當然辛苦少少，識好多朋友long distance仲遠，英國同加拿大嗰啲仲慘，我起碼冇時差。」Stephy透露近日王子正在開工拍劇，笑言：「呢段時間要我遷就佢多啲，到我忙時佢都會過香港，睇情況。」

而港、台兩地語言溝通雖然不成障礙，但就搞到Stephy有時難以觸摸：「內地同台灣國語唔同，有時都搞到我個tone會亂咗，不過平時都係我講國語就佢多，佢唔會講廣東話，太難喇，佢又少睇港劇，佢淨係識得叫嘢食。」傳媒取笑至少應該會識「我愛你」三個字，Stephy大笑指可能識講粗口先，但從沒教過男友。