【高海寧32歲生日】大肚張嘉兒嘆香檳 湯洛雯無奈陪壽星女露膊

高Ling要靚湯陪佢一齊露膊。(Ig圖片)
高Ling要靚湯陪佢一齊露膊。(Ig圖片)

高海寧(高Ling)上周日係32歲正日生日,點知佢忙於為新劇《極道怪咖》開工,要喺工作中度過生日,張嘉兒同莊思明今日喺Ig貼出為高Ling補祝生日嘅相,相中見好姊妹黃心穎、湯洛雯、張嘉兒、莊思明同岑杏賢,個個着晒牛仔look現身,同高Ling開生日P。

高Ling喺Ig story上載影片,由心穎BB負責拎手機影,佢仲爆:「有人好堅持要拍片。」嗰個人應該就係笑到見牙唔見眼嘅高Ling,而片中見大肚嘅張嘉兒,手上拎住杯香檳。

目前陀B五個幾月嘅張嘉兒,亦喺Ig貼合照,祝高Ling夢想成真,又讚高Ling個生日蛋糕好特別又靚,而莊思明就留言:「Happy Birthday Babe!睇我哋笑得咁開心就知我哋有幾盡興啦。」

之後靚湯喺Ig貼咗唔少搞笑相,話晒高Ling一向係有料之人,有一張相見心穎BB同岑杏賢靠向高Ling胸部當瞓喺枕頭咁,而靚湯就使出「揸波龍爪手」,另一張見高Ling同靚湯影合照,高Ling要靚湯陪佢一齊露膊,搞到靚湯好無奈。

左起莊思明、黃心穎、高海寧、岑杏賢、張嘉兒、湯洛雯。(Ig圖片)
左起莊思明、黃心穎、高海寧、岑杏賢、張嘉兒、湯洛雯。(Ig圖片)
齊齊嘟嘴,陪高Ling吹蠟燭。(Ig圖片)
齊齊嘟嘴,陪高Ling吹蠟燭。(Ig圖片)
心穎BB負責拎手機影。(Ig影片截圖)
心穎BB負責拎手機影。(Ig影片截圖)
高Ling笑到見牙唔見眼。(Ig圖片)
高Ling笑到見牙唔見眼。(Ig圖片)
唔知高Ling許咗個咩願呢?(Ig圖片)
唔知高Ling許咗個咩願呢?(Ig圖片)
前港姐冠軍張嘉兒去年11月初宣佈陀第二胎,預產期喺今年5月。(Ig圖片)
前港姐冠軍張嘉兒去年11月初宣佈陀第二胎,預產期喺今年5月。(Ig圖片)
高Ling擺靚pose任影,心穎BB都讚夠惹火。(Ig影片截圖)
高Ling擺靚pose任影,心穎BB都讚夠惹火。(Ig影片截圖)
個個着晒牛仔外套。(Ig圖片)
個個着晒牛仔外套。(Ig圖片)
高Ling一向係有料之人,難怪心穎BB同岑杏賢捱埋去當枕頭,靚湯使出「揸波龍爪手」。
高Ling一向係有料之人,難怪心穎BB同岑杏賢捱埋去當枕頭,靚湯使出「揸波龍爪手」。

 

你可能還想看