雅虎香港新聞 一人旅行必住 東京精選膠囊酒店
自從而家旅遊設施同通訊越嚟越方便，好多人都鍾意一個人去旅行，希望可以有唔同嘅體驗，仲有唔少仲係女仔添。通常一個人去旅行嘅話我都會選擇住青年旅社，貪佢可以識到新朋友而且又平，不過其實日本有好多膠囊酒店都專係為獨身嘅旅客而設，且出名乾淨又舒服，今日就等小編同大家介紹下幾間熱門嘅膠囊酒店啦。
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
1.新宿區役所前膠囊旅館
呢間坐落係東京新宿嘅「新宿區役所前膠囊旅館」深受旅客歡迎，唔單止本身坐落喺新宿區令到交通十分之方便，佢嘅設施亦都好一應俱全。尤其係設有女性専用樓層，有個人沖涼房同更衣室，仲會有埋貼心嘅用品包，入邊有齊沖涼液卸妝水等用品，就算帶漏野都唔使驚。而且女性專用樓層進出入都需要輸入安全密碼，咁高嘅安全同私隱度，啱晒一個人出門嘅女性。
2.池袋廣場膠囊旅館&三溫暖
坐落係池袋嘅膠囊旅館&三溫暖，最大賣點係多元嘅盥洗設備，入面有三溫暖同浴場設施，適合想體驗日化式文化嘅人。另外酒店都係採取自動上鎖，安全同私隱度極高。注重保養嘅女士們不妨體驗呢度為女性度身訂造嘅「養身御膳」送餐服務，住得舒服之餘又可以好好養身，難怪有咁多忠實粉絲。
3.赤坂頭等艙旅館
赤坂頭等艙旅館素有膠囊旅館界總統套房之稱，淨係聽個名都知唔會咁簡單。套房分為兩種等級，分別係4.4平方公尺嘅「頭等艙」同2.5平方公尺嘅「商務艙」，可以跟據大家嘅需要去選擇。每層都會設有安全門，沖涼房、大浴池、化妝間同投幣式洗衣機。同時亦都設有女性專用樓層，會提供卸妝液、洗面乳、化妝水甚至係捲髮器，等你第日可以靚着咁行繼續行程。
膠囊酒店雖然空間有限，但勝在夠平。（圖為新宿區役所前膠囊旅館）
膠囊酒店都有岩盤浴，真係唔話得！（圖為池袋廣場膠囊旅館&三溫暖）
HIGH CLASS 膠囊酒店睇落去絕試得過！（圖為赤坂頭等艙旅館）
相關文章
