上埋港聞!ANSONBEAN被爆勁曳係「超級問題少年」

·1 分鐘文章
上埋港聞!ANSONBEAN被爆勁曳係「超級問題少年」
上埋港聞!ANSONBEAN被爆勁曳係「超級問題少年」

喺ViuTV《全民造星III》獲得季軍嘅ANSONBEAN(陳毅燊),年僅20歲,憑住殺食外形及精湛跳唱俘虜唔少網民,形象正面討好,仲成為古天樂新公司旗下首位藝人,不過最近被爆出成籮黑歷史!

獲古天樂垂青!
獲古天樂垂青!
ANSONBEAN那些年!
ANSONBEAN那些年!

ANSONBEAN頻頻登上娛樂新聞,不過原來仲試過上港聞!有中學同學話佢當年好曳,14歲時喺赤柱大街貪玩爬上排檔簷篷「飛簷走壁」,結果墮地爆缸送院!喺老師眼中更係「超級問題少年」,更被同學懷疑係咪有過度活躍症!佢試過張條麻繩擲上把開着咗嘅風扇葉上扮泰山,但因為假天花受唔到力,最終連人帶扇跌落嚟,但好在人冇事!又因為髮型唔及格被老師要求剃光頭,中5時又試過做「逃學威龍」,爆學校鎖跳出圍欄,最終被停學2星期!不過成績就中上,但中6時就被父母送到英國讀書。

年少輕狂!
年少輕狂!
好有異性緣!
好有異性緣!

而喺情場上都唔惹少,話佢好有女性緣,雖然阿媽唔畀佢拍拖,但因為住校舍關係都管唔到咁多,同女同學拍過幾次拖,但都係好短暫,最長得1年!不過就直言ANSONBEAN對同學唔錯,只係太百厭成日闌禍!

知錯能改就好喇!
知錯能改就好喇!