不死女魔再現 徐子珊又死唔去
TVB劇一向有啲定律牢不可破,好似去美國醫病實醫好、宣萱一定被脅持、唐詩詠一定被強姦(據講,黃秋生同湯鎮業套重頭劇《梟雄》已經安排阿湯侵犯唐詩詠……)。仲有一個不得不提,就係徐子珊一定死唔去!
上星期五晚《點金勝手》入面, 徐子珊俾敵人捉拿並加以嚴刑迫供,情況非常危急,究竟子珊是否就此一命嗚呼呢?
當然,有追開TVB劇集嘅,唔睇預告都知子珊唔會咁易死去啦!
呢兩集講佢跌落山崖,一樣唔死得!
到底子珊喺《點》最終會唔會死?過多2個禮拜就知。不過計往績,子珊喺劇入面嘅「生還機會」一向好大,大家應該還記得《神鎗狙擊》,飾演女警嘅子珊幾乎每幾集都遇到爆炸場面,但係每次都可以輕易甩身,劇情之荒謬立
即造就佢「不死身」傳奇。
其實徐子珊有冇諗過主動要求喺每個劇都死呢?死唔一定係壞事,仲有利是收添!而且24小時內「經歷」五次死亡嘅羅樂林就咁一日成名,人氣極速上升,無論亞洲、澳洲、美國甚至歐洲小國都連環轉載報道
。
女藝人們,不妨試試呢條路
啦!反正性感、長腿唔賣得幾耐囉。
是日精選