不避嫌疑 真情流露 陳瀅揀定方力申 慢慢一夜情

陳瀅昨日首度現身宣傳主演的劇集《美麗戰場》，她不避嫌選擇方力申為老公、男友和一夜情的對象，被小方大讚「專一」。「反骨琪」蔣家旻對搶去陳瀅風頭預告對方黑化後比她更衰格，好戲在後頭。

陳瀅、蔣家旻、劉佩玥、陳曉華、方力申等昨日在上環宣傳無綫台慶劇《美麗戰場》，台上講到揀老公、男朋友和一夜情的對象會選誰，陳瀅不避嫌全部選擇傳緋聞的方力申，小方大讚夠「專一」是好女仔，陳瀅笑說：「老公可以慢慢一夜情嘛！」

陳瀅最近到法國出席時裝周，終於首度參與劇集宣傳，對於有網民指因她的瞪眼演技而發噩夢，她笑說：「好cute呀，不過，如果因為我瞪大眼令到佢發噩夢，唔好因為我唔睇，仲有好多其他靚仔靚女。」對於批評她則淡定回應：「唔會反擊，演戲係表演藝術，有人會鍾意，有人會唔鍾意，有唔同嘅角度，冇可能所有人同意，亦唔會打擾自己嘅諗法。」

蔣家旻：佢仲衰過我

她又指劇中阿寶有3個不同階段，年輕版純真有一定難度，去到三十多歲階段，相信觀眾應該會看得舒服。對於蔣家旻搶盡她女一的風頭，她大方說：「冇呢個感覺，呢套劇有好多個女主角，每個人都有佢嘅爆發點，見佢咁成功都好開心。」蔣家旻則指陳瀅只是稍遲發力：「阿寶嘅角色好深層次，之後黑化嘅時候仲衰過我。」劉佩玥對於劇情有疑似影射富豪情節，她笑說：「拍嘅時候真係冇呢個諗法，大家睇得投入都好開心，都係嗰句『如有雷同，實屬巧合』。」