雅虎香港新聞 Yahoo Travel HK
世界旅遊安全國家 芬蘭、阿拉伯最安全?
隨著呢幾年嘅恐怖襲擊事件越來越多，旅遊國家嘅安全越嚟越被重視，事關就算係大城市，好似係倫敦、巴黎等都先後受到恐襲，所以令到旅行人士都人心惶惶。其實無論幾時去旅行，定去邊到旅行都好，旅遊安全往往都係遊客應該注視嘅嘢，因為一個唔小心，分分鐘冇得玩之餘仲得不償失。 最近世界經濟論壇就針對全球136個國家進行調查，今次聚焦係分析「旅遊安全度」上面，第一名係北歐嘅芬蘭，第二名就係阿拉伯聯合大公國，第三名就係冰島，至於香港嘅表現都唔差排第5 。
調查主要係以旅客、商業發展、暴露係暴力和恐怖主義威脅上為評分準則，所以幾個旅遊大國好似英國同美國，係呢方面嘅排名都唔高，排第尾嘅就係哥倫比亞、也門、薩爾瓦多等國家。
至於係友善旅遊國際方面，西班牙就因為豐富文化同自然產物同頂級嘅觀光基礎設施係旅客友善國家的項目中，奪得第一名，第二名就係浪漫聞名嘅法國，雖然近期恐怖主義令到法國有所打擊，不過勝在有深厚嘅文化實力，而第三名就係德國，日本就排第四。
芬蘭近年吸引好多人去睇極光。
好多人都會覺得阿拉伯國家唔安全， 不過事實證明呢啲都係誤解。
西班牙就憑着獨有嘅風情成為最友善旅遊國。
相關文章
Work Travel無難度｜「現代遊牧民族」必備的11個網上工具
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
