世界朱古力大賽亞太區分組賽 長榮航空首次參賽即奪獎
始於2012年嘅世界朱古力大賽,評審來自世界各地,選出全球最美味朱古力,不過總決賽之前,由不同區域選出代表,包括亞太區、美洲、歐洲等十多個區域。亞太區賽果上星期正式公佈,由台灣嘅代表贏得多個大獎!
台灣著名朱古力品牌「福灣巧克力」一共取得28個獎項,包括「亞洲最佳黑朱古力」、「最佳調味黑朱古力」、「當地食材特別獎」等;不過點都估唔到由長榮航空主持嘅長榮桂冠酒店及長榮空廚,首次參賽就取得2金、2銀、2銅一共6個大獎,擊敗來自日本、新加坡、香港等地嘅強勁對手。長榮使用台灣當地食材,例如「黑蒜朱古力」、「百香果胡椒朱古力」等,大獲好評。長榮表示日後好大機會將獲獎朱古力放入飛機餐餐牌之中,乘客就有得大飽口福喇!
相關文章: