中環滙豐總行外又捉亂過馬路 小心收2000蚊牛肉乾

【6月19日更新】亂過馬路隨時會罰款2,000元，繼早前有網民發現在午飯時間，中環滙豐總行、皇后像廣場外馬路，有多名警員及交通督導員於交通燈口駐守，檢控未有依行人過路燈過馬路的市民，並「目測多名白領一族中招」，收到價值2,000蚊的「牛肉乾」。事隔一周，今日再有多名身穿制服的交通督導員，在中環滙豐總行外執法。不想食餐飯唔見2,000蚊，最好遵守交通規則，切勿亂過馬路。

【6月13日更新】

另有網民指灣仔菲林明道亦交通督導員駐守，「都好多人中招」。有網民在社交網站專頁回應稱：「我都中咗⋯」，另有目擊者稱好多外國人俾人捉咗，「著晒制服都照過，抵俾啦！」、「呢盞燈好多人唔理」、「咁多人企係度都唔敢過啦，係都等勇士先試」、「唔係便衣企到咁明已經係皇恩通水，係都要挑戰既預左比2000 啦，同捉快相一樣」、「明知有班紀律部隊企曬喺度 ，如臨大敵就知道係乜嘢事啦 ，呢啲就叫做危機意識不足 ，下次醒少少當幫幫忙」、「你唔過咪冇事、快嗰幾十秒比人罰2000、何苦」、「違法就係違法，要守法」。

原文刊登於 AM730 https://www.am730.com.hk/本地/中環滙豐總行外又捉亂過馬路-小心收2000蚊牛肉乾/460900?utm_source=yahoorss&utm_medium=referral