亞視推出男星限量版閃卡 網民勁like跪求快出第三彈

近排人氣男團MIRROR與連鎖快餐店合作，掀起全城食炸雞儲鏡仔卡熱潮，唔知大家儲齊一套未呢? 如果已經儲齊又或者儲到悶嘅話，唔知你哋又有冇興趣儲「ATV男星限量版閃卡」呢?

喺噚日，亞洲電視ATV藉住呢股儲卡熱潮，推出「ATV男星限量版閃卡」宣傳自家優惠，而男星們就包括有秦沛、羅樂林、潘志文、劉永、陳展鵬、林韋辰、鄭則仕及袁文傑，喺閃卡上更為佢哋key上炸雞。

「ATV男星限量版閃卡」已經推出咗兩批，唔少網民都大讚亞洲電視創意十足及提議第三彈閃卡名單，紛紛留言，例如「等睇ATV反超前TVB」、、「要陳啟泰、山本一夫同埋完顏不破三張卡」、「有冇駱達華同容錦昌/劉錫賢/姜浩文/陳啟泰」、「本來都忍到笑 但一見到肥貓果張即刻忍唔到」、「快啲放埋第三彈啦！」、「亞視好成功，無線啲post都冇咁多人like」、「幾creative呀。 d Idea好過tbb都夠讚」、「如果以前亞視識得咁玩就好啦」及「死啦 我想儲呢set多」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！