雅虎香港新聞 【仁愛長存】28歲男子末期胃癌病危 捐80萬港元予香港兒童癌病基金 盼癌童擁快樂童年
28歲才俊楊嘉驃(Gabriel)去年被診斷患上末期胃癌，抗癌超過一年，他深深感受過患癌的痛苦，所以亦明白患癌兒童比他更辛苦。楊嘉驃在告別人世之前，決定捐出港幣80萬予香港兒童癌病基金，勉勵患癌的小朋友，一定一定要相信自己會康復。
楊嘉驃畢業於香港大學社會科學院，醫生估計楊嘉驃可能在短期內離世。楊嘉驃的親友在昨晚（19日）代他在網上發文表達意願，全文如下：
「自己被診斷患上末期癌症，已抗癌超過一年。抗癌最痛苦一定是化療，除了副作用外，更會令人失去基本的尊嚴，失去說話能力。最希望世界不會再有癌症以及其他疾病，亦好感恩一路上得到家人、朋友、公司以及身邊很多認識我的人支持。我想將帶不走的，留比勇敢抗癌嘅小朋友。我已經捐贈港幣800,000予香港兒童癌病基金，以支持機構工作。
我好早前已經有捐款嘅決定，因為自己深深感受過患癌嘅痛苦，所以明白患癌嘅小朋友比我更辛苦，而且比我更勇敢。我相信抗癌小朋友都同其他小朋友一樣，都值得擁有一個快樂童年，所以我決定支持佢地。
我想喺到同患癌小朋友講，請你一定一定要相信自己會康復。即使抗癌過程中身體會好痛苦，但只要你唔放棄，相信自己會康復，或者就會等到奇蹟出現嘅一日。我地每個人生命都總會遇上疾病，當你尚有精力同健康，要記得好好珍惜，做自己鍾意嘅事，盡情享受人生。」
圖片及資料來源：Gabriel Yeung
製圖/文字：HealthConcept
你或許有興趣
【腸道健康】兒時腸胃不佳身高比人矮9cm 專家：宜食乳酪補益生菌
【營養資訊】揭秘咖啡因：提神劑還是健康敵人？
【南韓研究】求學期人際關係影響大腦機能發展 朋友愈多記憶力愈好
【中藥成分】英環保組織籲撤資北京同仁堂 指其使用瀕危動物製中藥材
【患癌離世】安達臣冧天秤事件電工遺孀許太病逝 兩女交七旬祖父照顧
如欲觀看更多相關文章，請瀏覽 Health Concept
