伍富橋升呢做億萬駙馬 新女友身份曝光 住五千尺獨立屋仲係學霸

有傳TVB藝人伍富橋（Alvin）2019年與林穎彤（Bella）拍拖一年後分手，雖然屢傳復合，但早前伍富橋就喺農曆年初一（1日）與年初二（2日）連續兩日公開與女友Shirley合照；有指女方家底富裕，所以伍富橋好快就被標籤為「億萬駙馬」。

伍富橋接受媒體訪問時表示，與女友Shirley係抱住結婚為目標先交往，宜家拍拖半年，並指Shirley之前喺TVB任職幕後，透過朋友嘅聚會而認識，並唔知道對方身家豐厚。據悉，Shirley父親從事物流業及食品等生意，擁有兩間麻將館，身家以億計算；Shirley亦係一名學霸，曾赴英國Lancaster University修讀犯罪學，並於UCL取得打擊有組織犯罪和恐怖主義碩士學位，返港後曾修讀法律碩士課程。至於，喺TVB擔任幕後撰稿員時，曾負責娛樂新聞台及旅遊節目《3日2夜》，亦試過借用相思灣逾五千尺獨立屋畀伍富橋做媒體訪問之用，不過有指佢入TVB只係為賺取工作經驗。

對於被標籤為「億萬駙馬」，伍富橋就直言唔介意，仲話最重要係兩個人相處到同認定對方，又指Shirley教識佢面對唔同問題，大家一齊進步。去年伍富橋與友人合資7位數字於上環開設健身及物理治療中心，佢就表示未來想放多啲時間打理生意；而據悉，Shirley計劃修讀營養學，打算與伍富橋一齊打理健身中心。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！