雅虎香港新聞 似足孖妹！「翻版」蔡少芬邱晴曬母女合照，原來媽媽超索
每年香港小姐競選，都是大家茶餘飯後的話題，離不開討論三甲質素。但講到港姐質素，小編仍然相信「遺傳」呢兩個字，好似今屆有「翻版蔡少芬」之稱的邱晴，比人大讚樣貌標緻、青春無敵，原來生得靚，全因邱媽媽都是索女一名！
今屆港姐當中年紀最細的邱晴，一開始因學歷問題，於賽前不被看好，但最後成功晉身港姐十強，仲被三哥苗僑偉睇中，獲得一對一指導助選，雖然決賽與三甲無緣，但其樣貌和家庭背景成為大家討論的議題，而今次嘅討論重點就是邱媽媽。
邱晴會在個人社交網站上載自己的生活照，間中仲出現一個與邱晴樣貌相似的索女，望真啲Caption，「辛苦了媽咪」，估唔到身邊的索女竟然是邱晴媽媽，兩個眼仔圓碌碌，鼻高高，點睇都似兩姐妹！
之前有人爆料透露，原來邱媽媽未夠二十歲，就生咗邱晴，所以母女年齡距離唔大，加上媽媽樣貌娟好又 Keep得好，望落點睇都似孖妹，難怪經常被街坊誤認佢地是兩姊妹。
真係正所謂，有其母必有其女，索媽自自然然緊係有索女，如果兩母女一齊在娛樂圈發展，我唸網民一定最buy!
（Photo credit：instagram)
＜延伸閱讀＞ 國際小姐香港代表王詠珩靚過晒港姐三甲 有美貌又WELL EDUCATED！
＜延伸閱讀＞ 有家底先好選港姐？冠軍雷莊𠒇爸爸係香港十大設計師 身家過億！
Related Articles
