何依婷夭中胡鴻鈞死穴窒到啞

初次合作,胡鴻鈞與何依婷即不停互窒,確有火花!
初次合作,胡鴻鈞與何依婷即不停互窒,確有火花!

何依婷、胡鴻鈞正式為無綫新劇開工,二人戲內戲外經常單單打打,女方起初敵不過他,後來以其緋聞女友蔡思貝擊退他,相當搞笑。

無綫重拍經典劇《十月初五的月光》,日前正式開工,一班主角何依婷、胡鴻鈞、羅天宇、石修及米雪等齊齊到流浮山進行開鏡拜神儀式,祈求拍攝順利。劇中分別飾演「君好」與「文初」的依婷與胡鴻鈞甫見面即不停互窒,他倆首次合作拍劇,甚有「火花」!接受無綫娛樂新聞台訪問時,被問會否有親密戲?胡鴻鈞即說:「cut晒o架喇!同監製講咗。」依婷亦不甘示弱:「唔想同佢有囉!」二人更搶着表示會跟羅天宇多點親密戲!胡鴻鈞又以「前輩」稱呼依婷,指有參考對方在劇集《機場特警》的演出,依婷即反擊:「但係你唔係睇我吖嘛!你睇個女主角(蔡思貝)之嘛!」令胡鴻鈞即時語窒,不禁投降說:「講番你好唔好?」非常搞笑。

羅天宇渴睡唔敢揸車

事後依婷接受本報訪問,笑說:「胡鴻鈞成日都窒我,但係唔緊要啦,佢喺劇中成日畀我恰,所以要平衡番。」提到其新造型相當年輕,她說:「我為個角色剪咗個劉海頭,我諗由我讀書時期都未試過咁短,都剪咗4、5吋。(喺流浮山拍外景會唔會好凍?)好在呢幾日唔係咁凍,劇組都好好,準備咗好多暖包畀我哋。」

至於曾透露自己忽然有渴睡情況的羅天宇,不時要到流浮山開工,他坦言:「喺屋企去,車程都要個幾兩個鐘,有時仲要塞車,依家我都拍緊另一套劇,如果前一晚開得夜,第二朝要去流浮山,我就會call車,唔會自己揸,因為揸長途車眼瞓會好危險。」