何洛瑤Sica無預警PO性感小背心照片 網民：升球大墊

熱愛跳舞又喜歡日本文化嘅MakerVille旗下藝員兼歌手何洛瑤Sica，憑騎呢、搞笑又可愛嘅本色深受網民愛戴。近日Sica有別以往形象，無預警喺社交網站上載性感小背心照片，成為網民熱話。

Sica不時喺社交網站分享日常生活，前日佢突然上載自己著上性感小背心照片，好身材表露無遺，並寫上：「三月的天空是藍色的。帶一點潮濕，帶一點憂鬱，陌生又帶一點熟悉。曾經理所當然存在的事物逐一被消失，此時又想起了什麼，記得了幾多？感慨，但好好生活，好好記住，好好呼吸，趁有時間去想去的地方，聽想聽的歌，願大家都安好」。

呢個PO出街後，ERROR成員保錡就留言話：「做咩p圖」，而其他網民亦非常踴躍留言驚嘆佢開啟流量密碼，例如 「竟然你都開啟流量密碼」、「由墊及興」、「席，你受咗啲咩嘢刺激？」、「喂今次真係黃標」、「4月1日 一定係假相」、「升球大墊」及「毒自升CUP」等等。同時亦有網民大讚佢身材好好，留言「大個女了」、「有料主席」、「走性感路線的女人仔」及「睇妳唔出」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！