胡定欣單身8年成功脫單 鬆口感情現況認遇到合適對象

由黎耀祥、胡定欣、蕭正楠及陳曉華等主演嘅TVB台慶劇《巾幗梟雄之懸崖》正在熱播中，近日定欣接受傳媒訪問聲稱今次係入行以嚟最大壓力嘅一次；同時佢仲鬆口感情現況。

由黎耀祥及鄧萃雯主演嘅《巾幗梟雄》及《巾幗梟雄之義海豪情》有收視有口碑，所以胡定欣喺接受傳媒訪問時亦話外界對佢接鄧萃雯棒有唔同嘅聲音，而今次亦係佢入行以嚟最大壓力嘅一次，除咗暴瘦之外，佢仲曾經懷疑自己接拍嘅決定。

入行超過20年嘅胡定欣，感情生活唔算豐富，喺1999年參加《TVB全球華人新秀歌唱大賽》時曾經與吳浩康撻著；分手後與馬國明拍拖2年後和平分手；2012年與圈外男友拍拖2年但分手收場；去到2015年與音樂人陳明道交往，可惜一年後分開。單身8年嘅胡定欣，榮升單身貴族，不過佢喺訪問時表示希望自己好似七爺咁遇到梟雄柴十七，同時佢亦鬆口感情現況，承認現時已經脫單，遇到合適嘅對象，希望喺合適時機同大家分享，佢強調唔係因為結婚與否，只係想俾空間自己去好好經營感情。至於男友係唔係圈外人，佢就大賣關子話下次先講。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！