何雁詩做肥新娘傳雙喜臨門 鄭俊弘恨生B

·2 分鐘文章
何雁詩做肥新娘傳雙喜臨門 鄭俊弘恨生B
何雁詩做肥新娘傳雙喜臨門 鄭俊弘恨生B

本月7日係歌手何雁詩(Stephanie)跟鄭俊弘(Fred)結婚周年紀念,兩人亦揀選呢日補擺喜酒,近日盛傳佢哋「雙喜臨門」,Fred被問到太太係咪有喜?佢向東網回覆笑謂:「我哋冇呀,未有雙喜臨門,希望將來會有。」而Stephanie笑說:「其實又唔係個個結咗婚嘅女人肥咗都係有咗嘅。」雖然佢喺社交網笑言要做一個又chill又fat嘅新娘,但因為早前由美國返港,酒店隔離21日食大咗個胃。

鄭俊弘否認雙喜臨門,但揚言希望將來會有,睇嚟恨做爸爸喎!
鄭俊弘否認雙喜臨門,但揚言希望將來會有,睇嚟恨做爸爸喎!

談到生B大計,Stephanie坦言隨緣,並否認有喜:「冇咁嘅事,我都唔知點解突然之間有咁嘅傳聞。上年減咗之後,我都未肥番晒嘅,香港人結婚好多嘢搞,好大壓力,唔想特別增添一樣煩惱,我唔覺得一定要好瘦、好瘦先係最靚嘅。我依家都係正常體重,又唔使特登減到比BMI過輕,我覺得健健康康、開開心心就OK。」結婚周年可會互送禮物?佢笑言:「Fred喺我隔離大聲咁講冇呀!因為結婚前後又係我哋兩個生日,我哋本身都唔係好送禮物。」

何雁詩滿意自己身材。
何雁詩滿意自己身材。

佢又透露婚宴邀請400位賓客左右,應該唔到40圍,婚宴會分幾區,婚紗方面已挑選好:「本身諗住揀兩套,唔使換嚟換去,點知爸爸媽媽同奶奶好期待呢個婚宴,揀咗好幾套衫,想我配合番。」並透露邀請無綫《流行經典50年》隊Band到婚宴場地,因為屆時有表演環節,除咗朋友會上台唱歌,佢同Fred都會每人唱一首:「預計去到尾段大家飲得盡興時,隨時走上台唱都得嘅,隊Band好多歌都熟悉。」

婚宴會邀請400名賓客,場面熱鬧。
婚宴會邀請400名賓客,場面熱鬧。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能