何雁詩遇渣男玩感情 老公乜都知

·2 分鐘文章
何雁詩藉新歌唱出情史。
何雁詩藉新歌唱出情史。

歌手何雁詩透過新歌自爆遭「渣男」玩弄感情,怕寂寞的她當年墮入愛情陷阱,這段回憶令她唱歌時仍未忘傷痛。

去年已做「鄭太」的何雁詩,有老公鄭俊弘(Fred)愛錫,但婚前亦遇過「渣男」,她藉着新歌《灰夠》親揭當年一段被「玩」的關係。她本來打算宣傳時訛稱是朋友的經歷,但笑說:「我講大話唔係好得,最尾決定講番自己。」她覺得每個人都有過去,有不同的愛情經歷,雖然已是多年前的往事,但她仍感受到傷痛:「依家唱都仲有Feel!」

關係徹底破裂

她表示當年被對方迷惑:「佢會話『我真係鍾意你,但又好似鍾意第2個,決定唔到係咪同你一齊。』但佢又要留住你,叫畀啲時間佢。呢啲所謂渣男,佢唔會話『我明恰你』㗎,要同你玩感情,係情場高手。」她曾懷疑對方有女朋友,但後來發現根本沒有,純粹想同時有很多女仔在身邊。她曾經覺得自己很失敗,因對方不靚仔,又愛玩弄感情,她笑說:「唔知點解當時會中伏!唔知點解鍾意佢,可能佢幾識講嘢,以前會鍾意口花花嘅男仔。」

這段關係維持了半年,她多次向對方提出「Deadline」,惟男方總是不斷拖拉,最終她覺得忍夠和受夠:「點解要我咁樣等你?點解要受咁多傷害?仲畀咁多假希望我!當我決定離開佢,我就唔會再墮入嗰個圈套。」最初她亦覺得難受,不是因為不再愛對方,而是因為雙方關係已沒有轉彎餘地:「就算嗰刻話同我一齊,我哋都唔會有好嘅關係,因為已經太多傷害。呢個痛係嚟自我仲鍾意你,但我都係要走。」

直認怕寂寞

問到老公可知她這段情傷?她笑說:「佢一早已經知啦,我哋開始拍拖時攤晒牌,之前嘅嘢大家都知。」又笑言拍拖經歷比老公多,但Fred每段關係維持得較長久,她直認年輕時不懂揀男人,而且怕孤單:「我唔係好多時間單身,我怕自己一個,可能嗰個未必適合自己,我都會舂個頭埋去。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能