余德丞離巢TVB工作接踵而來 滿意收入兼搵到滿足感

余德丞
余德丞

前TVB力捧上位小生余德丞(Dickson),今年5月突然宣佈已離巢,與TVB結束8年賓主關係。余德丞回復自由身後,除咗擔任電台節目客席主持、亮相Now Sports節目及經營個人影片頻道發展之外,佢噚日(14日)孖住同樣已離巢嘅簡淑兒現身荃灣出席活動,工作接踵而來。

早前有傳余德丞收入高達6位數字,而喺接受傳媒訪問就被問係6位數字嘅頭、中定係尾時,滿意收入嘅Dickson直言係頭中,希望好快可以去到尾。佢仲話唔係話要搵幾多錢先至開心,而係可以喺工作中搵到樂趣,呢種開心同滿足感係之前未必搵到。

余德丞亦表示現時有唔同嘅工作接洽中,而佢亦會篩選合適嘅工作。佢亦透露下星期會以嘉賓現身ViuTV綜藝節目。至於喺網上平台嘅發展,Dickson表示為自己個人影片頻道諗題材拍片,佢覺得好好玩,而過程亦令佢有滿足感。不過如果觀眾嘅反應麻麻哋,佢都可以不斷嘗試,可以多啲嘗試及測試一下大眾接受余德丞嘅程度,呢個亦係佢選擇離巢嘅其中一個原因。另外,Dickson仲透露正為頻道計劃開新節目,而新節目將會有小劇場及邀請女嘉賓作客傾下偈。

余德丞早前為「9BoThew 膠保廢」頻道做客席主持,拍攝一條關於香港最伏餐廳嘅試食影片,期間佢哋挑戰兩間出名嘅伏餐廳。喺影片出街後,嗰間港式平民扒房嘅老闆揚言要告佢哋誹謗及要求佢哋道歉。Dickson回應事件時表示冇特別回應,亦冇再理會事件嘅發展,不過佢就話自己嘅作風係分享開心及自己鍾意嘅嘢,所以拍一啲有爭議嘅嘢,唔係佢嘅範疇。

余德丞影片截圖
余德丞影片截圖
余德丞影片截圖
余德丞影片截圖
余德丞影片截圖
余德丞影片截圖
余德丞
余德丞
余德丞
余德丞
余德丞
余德丞
余德丞
余德丞
余德丞
余德丞
余德丞
余德丞
余德丞
余德丞

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能