保守設底線 唔會閃婚 湯洛雯有矜持 閘住激情床戰

湯洛雯希望能演出有得發揮的角色,以實力取勝。
湯洛雯希望能演出有得發揮的角色,以實力取勝。

湯洛雯近年全情投入拍劇,直言渴求遇到有發揮角色,尋求突破。雖然她性格爽快,但也有矜持,直言演出有性感底線。在外國讀書的她原來相當保守,參選港姐着泳衣後也少有穿泳衣示人,自言不喜歡性感演出,對激情床戲更加落閘。被「私有化」後是否男友馬國明下禁令?她說:「係自己唔想暴露,性感唔啱我,唔係男友唔畀。不過,正常男朋友都唔會鍾意,但係未至於唔拍,喺合理情況、合理劇本下都冇問題嘅。」

扮女神交足戲

剛過生日的她最想放假出埠及調理身體,她笑稱並不是為結婚生仔做好準備:「通常啲人都係咁諗,但係我係慢性胃炎,《隱門》因為疫情拍咗大半年,拖咁長都有壓力。多謝大家嘅祝福,係好窩心嘅,但係我哋都只係普通情侶,唔係閃婚嗰啲,有個進程、有時間線。唔係冇去討論,慢慢嚟囉!」

近期湯洛雯接連在無綫劇集《金宵大廈2》及《雙生陌生人》有不俗發揮,先演追星族,再以女神姿態翻撻馬德鐘,她笑言演繹女神落足心機:「嗰啲女神回眸、慢動作自己都交足戲㗎,都幾鍾意做《金宵2》嗰啲癲喪角色,但間中都要做吓女神中和吓。拍劇咁耐想遇到有發揮嘅角色,就算做奸角都冇所謂。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能