傳因拍《使徒行者2》時犯不當行為 魏焌皓被無綫解約

喺劇集《使徒行者2》中， Ben sir（魏焌皓） 同Cherry（麥明詩）嘅一對愛得好淒美，成功引起唔少觀眾關注。本來魏焌皓同麥明詩有機會一齊拍《是咁的 法官閣下》，點知突然被消失，連試造型當日嘅活動以及煞科宴都冇佢份，直到前排有傳魏焌皓已經離開咗無綫，有報導指佢係被無綫解約。

有傳佢拍《使徒行者2》時犯咗啲不當行為，而事件疑似與麥明詩有關，而魏焌皓立即被監製照肺，同時抽走佢喺《是咁的法官閣下》嘅角色，更被雪藏半年，後來無綫更主動同佢解約。 其實由上年11月開始佢已經好少上載工作相，都係生活照為主，直到前排有傳聞話佢已經離開咗無綫。

魏焌皓外形斯斯文文、大隻又靚仔，究竟犯咗咩不當行為呢？當事人就暫時未為事件回應。