傳暗撻前度一腳踏兩船 無綫「仙氣女神」 - 簡淑兒Jessica相集

今日就傳出無綫小花簡淑兒同圈外舊愛復合之後再暗撻藝人唐紫睿前男友Louis，簡淑兒就極力否認，話見過Louis但係唔熟，仲話自己同圈外舊愛已經分手，現時係單身。現年31歲嘅簡淑兒Jessica喺2012年參選港姐落敗後加入無綫，初時擔任主持為主；去到2015年組成女子組合「少女標本」，而且開始有唔少拍劇嘅機會，最為人熟知就係喺《愛·回家之八時入席》演「袁冰冰（Elsa）」一角，之後仲被封為「仙氣女神」，受到唔少觀眾喜愛。