雅虎香港新聞 【女性慳錢攻略】不做月光族 賢淑女生必學8大貼士 無痛年慳$18,640
不少女生每個月花錢做Facial買護膚品，轉季買衫買鞋買袋，仲未計去旅行其他消費，消費數目真的不可以少看！長期不想用錢過多，其實都有不少方法改善，當然慳家不代表要死慳死抵，拒絕消費，看看如何購物扮靚得來，又可以夠慳儉！
購物消費
1. 入手開架護膚/化妝品
支出每月平均：$1000（洗面、爽膚水、身體乳液、彩妝）
轉用開架產品可慳：大約$500（入手$100內抵買單品）
不少開架品牌其實性價比十分高，大家只要勤力做點功課，就可減少中伏又可平價買到高質素的產品，好似彩妝品眼影、眉粉，開架比專櫃抵買太多！入手開架品牌Canmake、Rimmel等，眼影只要一百蚊左右就有齊三至四款色，包括打底色等，不用再額外配襯，實用又方便，是小資女慳家之選！
而護膚品中洗面乳、爽膚水、身體乳液等用量多又經常要補給，小編也會選擇開架品牌，用得多也不會太心痛！
2. 等減價再購物
支出每月平均：$2000（買衫褲鞋襪等）
減價折扣可慳：大約$400（Black Friday入手8折）
要買得夠抵，當然要等網購減價周！剛過去的雙11不少名牌網站瘋狂減價低至3折，很誇張，留意接住11月27就是Black Friday！小編建議想購物時，先將心水款式放進購物車內，減價再去買，可湊夠數免運費！依家各大網站已開始減價，仲有聖誕早鳥優惠，想抵價入手名牌，就快點去看看，小編看到英國百貨網站Selfriges優惠頁上，連Loewe手袋折扣後都低至$2,385，年尾可入手返個新袋，好好獎勵自己！
3. 自己在家做Facial
支出每月平均：$500（一般保養Facial）
入手美容儀器：$2000
每年可慳：$4000
因疫情開始減少了出外做Facial，若想做簡單日常肌膚護理，其實家用美容儀器都可幫你養好膚質，針對自己本身的問題作選擇。日常護理可用導出導入機，導出可清潔導入則保濕，而特別護理時做用有提拉效果的Nuface做臉部收緊，24k黃金棒做臉部按摩，還有被推為神器的RF射頻機，效果比得上美容院膠原增生療程，用來防皺紋、細紋、暗啞乾燥等問題很不錯，大家可等減價時再入手，但計返條數，做Facial每次最少都要幾百蚊，長久在家使用美容儀器，小編發現已經可以不用去做普通facial，在家護膚又可以慳錢！
4. 每日幾蚊做Gym
支出每月平均：$500（私人Gym Room）
康文署月費：$180
每年可慳：$3840
想做運動或做Gym，其實不一定要去私人gym room，可以多運用政府公共資源，康文署在市區及新界均有提供健身室，只要年滿15歲或以上，符合資歷就可登記健身室租用設施，重點是月租費用才$180，優惠時段平到$90，比一般外面每個月幾百蚊的月費抵玩得多！而且健身室的設施十分齊全，有跑步機、單車機，適合想做帶氧運動的市民。若要操肌練大隻，也有啞鈴，以及針對不同肌肉的鍛煉器材，真係每日幾蚊就可以去做Gym了！
4. 選擇低消費娛樂
慳錢也不可以沒有娛樂的，只是選擇低消費或零消費的娛樂，疫情時期可以同朋友去行山、跑步，全是零消費的娛樂。女生想約好朋友出外透透氣，可考慮將聚會地點由酒店下午茶變成野餐（可自己準備食物）、沙灘曬太陽或者家中聚會，可以好好聊天見個面也是不錯！
著數回贈
6. 外賣/採購多留意優惠
主婦們最關心的購物優惠！其實每次消費前可以多做點功課，如最近疫情常叫外賣，可先留意那些餐廳或外餐平台提供優惠，或採購日用品時，也可以先貨比三家，不同超市會有特定會員優惠或信用卡折扣，好似用恆生enjoy卡在惠康購物，每月都有限定三日92折優惠，可以先留意Mark定日期，做個精明的消費者！
7. 網購信用卡回贈
支出網購$3000：回贈$150
我們網購消費時用的信用卡，不少都可獲回贈或換取禮品，也可間接節省金錢，大家可留意回贈較多的信用卡，如恆生Mpower信用卡網購簽滿$3,000，就已經可獲得5%回贈，大家若等到Black Friday或聖誕優惠購物，簽賬使用特定信用卡就可賺埋回贈！若大家平時會買淘寶，用中銀雙幣信用卡〈大灣區一卡通〉，就可免卻跨境交易手續費，額外還有4%現金回贈，所以識揀信用卡，長期使用也慳不少！
8. 二手交易平台賣物
家中執拾時常發現未開封過的、不適合的禮物，很建議可放到二手平台放售，其中本地熱門二手交易平台Carousell，有提到疫情期間賣物交易增加，港人更平均賺4400元，比之前多賺19%，是幫補收入很不錯的途俓！除了女性時裝和電子產品是長期受歡迎的產品類別，疫情期間抗疫用品、家庭娛樂、電玩以及家品等，搜尋排名亦開始不斷上升，家中有已玩厭了的Game都可以出售，可透過不再需要的物品以賺取額外收入。
相關連結：
